(प्रतिनिधी अशोक कुंभार)
जाधववाडी, ता. पुरंदर, जि. पुणे | दि. ४ डिसेंबर २०२५
जाधववाडी येथे उद्योजक युवराज शेठ जाधवराव यांच्या निवासस्थानी दत्त जयंती उत्सव अत्यंत उत्साहात पार पडला. गेल्या तेरा वर्षांपासून अखंडपणे हा सोहळा साजरा होत असून यंदाचे हे तेरावे वर्ष होते.
या धार्मिक सोहळ्यास माजी कृषी राज्यमंत्री आदरणीय दादासाहेब जाधवराव, भारतीय जनता पार्टीचे युवा नेतृत्व आदरणीय बाबाराजे जाधवराव, दिवे ग्रामपंचायतीचे माजी सरपंच गुलाब तात्या झेंडे, गौरव उद्योग समूहाचे मालक अनिल आबा झेंडे, साधना सहकारी बँकेचे अधिकारी राजूभाऊ काळे यांच्यासह अनेक प्रमुख नेते, सामाजिक कार्यकर्ते व उद्योजक उपस्थित होते.
या कार्यक्रमाला जाधववाडी व परिसरातील सुमारे १,००० भाविकांनी उपस्थिती लावली. कार्यक्रमानंतर महाप्रसादाचे आयोजन करण्यात आले, ज्याचा लाभ सर्व भाविकांनी घेतला.
या संपूर्ण कार्यक्रमाच्या यशस्वी आयोजनासाठी जाधववाडी येथील धर्मवीर शंभूराजे मित्र मंडळच्या कार्यकर्त्यांचा मोलाचा सहभाग लाभला.
✍🏻मुख्य संपादक – रोहिदास कदम
