बातमी प्रतिनिधी अशोक कुंभार
नवी दिल्ली : कॉकरोच जनता पार्टी (CJP) ने केंद्र सरकारसमोर तीन प्रमुख मागण्या मांडत निवेदन सादर केले आहे. पक्षाचे मुख्य प्रवक्ते सौरव दास यांनी सोशल मीडियावर हे पत्र सार्वजनिक केले असून, जंतर-मंतर येथे सुरू असलेल्या आंदोलनाच्या पार्श्वभूमीवर या मागण्या करण्यात आल्या आहेत.
निवेदनानुसार, पहिली मागणी म्हणजे सामाजिक कार्यकर्ते सोनम वांगचुक यांची कोणत्याही अटी किंवा निर्बंधांशिवाय तात्काळ सुटका करण्यात यावी. दुसरी मागणी म्हणजे केंद्रीय शिक्षणमंत्री धर्मेंद्र प्रधान यांनी राजीनामा द्यावा किंवा त्यांना पदावरून हटवावे. तिसरी मागणी म्हणजे NEET 2026 प्रश्नपत्रिका फुटीच्या घटनेनंतर आत्महत्या केलेल्या विद्यार्थ्यांच्या कुटुंबीयांना प्रत्येकी १ कोटी रुपयांची आर्थिक मदत देण्यात यावी. 
निवेदनात जंतर-मंतर येथे सुरू असलेल्या आंदोलनाचा उल्लेख करण्यात आला असून, आंदोलनकर्त्यांवर कोणत्याही प्रकारचा बळाचा वापर करू नये, अशी मागणीही दिल्ली पोलिसांकडे करण्यात आली आहे. विद्यार्थ्यांच्या भविष्याशी संबंधित प्रश्न गांभीर्याने सोडवावेत आणि शिक्षण व्यवस्थेतील पारदर्शकता वाढवावी, अशी भूमिका पक्षाने मांडली आहे.
या मागण्यांवर केंद्र सरकारकडून अद्याप कोणतीही अधिकृत प्रतिक्रिया देण्यात आलेली नाही. परिस्थितीकडे देशभरातील विद्यार्थी, पालक आणि नागरिकांचे लक्ष लागले आहे.
✍🏻मुख्य संपादक – रोहिदास कदम
