📰 बातमी पुणे प्रतिनिधी अशोक कुंभार
भारत रत्न डॉ. बाबासाहेब आंबेडकर सांस्कृतिक स्मारक समितीचा जाहीर आक्रोश आंदोलन
📅 गुरुवार, 30 ऑक्टोबर 2025
📍 स्थान – भारतरत्न डॉ. बाबासाहेब आंबेडकर पुतळा, पुणे स्टेशन
🕚 वेळ – सकाळी 11 वा.
पुणे – भारतरत्न डॉ. बाबासाहेब आंबेडकर सांस्कृतिक स्मारक समिती, पुणे यांच्या वतीने गुरुवार, 30 ऑक्टोबर 2025 रोजी “जन आक्रोश धोरणा आंदोलन” करण्यात येणार आहे. या आंदोलनामधून महामानव डॉ. बाबासाहेब आंबेडकर सांस्कृतिक भवन विस्तारीकरणाच्या जागेच्या गैरव्यवहाराविरोधात तीव्र निषेध व्यक्त करण्यात येणार आहे.
समितीच्या मते, एनजी हेचर या खाजगी बांधकाम व्यावसायिक कंपनीला सांस्कृतिक भवनासाठी आरक्षित जागा भाजपा व मित्रपक्ष महायुतीच्या सत्ताधाऱ्यांनी गैरमार्गाने विकली आहे. यावर समितीने तीव्र नाराजी व्यक्त केली असून या निर्णयाचा जाहीर निषेध करण्यात येणार आहे.
समितीने पुढील तीन प्रमुख मागण्या राज्य सरकारसमोर मांडल्या आहेत:
1️⃣ महाराष्ट्र राज्य रस्ता विकास महामंडळ (MSRDC) आणि एनजी हेचर या बांधकाम व्यावसायिक कंपनीदरम्यान झालेला करार तात्काळ रद्द करण्यात यावा.
2️⃣ भारत रत्न डॉ. बाबासाहेब आंबेडकर सांस्कृतिक भवन विस्तारीकरणासाठी आरक्षित 405 मंगळवार पेठ, मालधक्का चौक नं. 11 येथील ८९००चौ.मी. जागेचे हस्तांतर राज्य सरकारने तात्काळ करावे.
3️⃣ स्थानिक स्वराज्य संस्थेच्या निवडणुकीपूर्वी, म्हणजे आचारसंहिता लागू होण्याआधी, सांस्कृतिक भवनाच्या असुरक्षित जागेचे भूमिपूजन राज्य सरकारने अधिकृतपणे करावे.
या मागण्यांच्या समर्थनार्थ पुण्यातील आंबेडकरी अनुयायी, विविध सामाजिक संघटना आणि कार्यकर्ते मोठ्या संख्येने आंदोलनात सहभागी होणार आहेत. समितीने सांगितले की, हा लढा डॉ. आंबेडकरांच्या आदर्शांचे रक्षण आणि त्यांच्या स्मारकाचे संवर्धन यासाठी अखेरपर्यंत सुरू राहील.
✊ “बाबासाहेबांचे स्मारक हे आमचे अभिमानाचे प्रतीक आहे, त्यावर कुणाचाही गैरहक्क आम्ही सहन करणार नाही,” असा इशारा आयोजकांनी दिला आहे.
✍🏻मुख्य संपादक – रोहिदास कदम
