प्रतिनिधी (अशोक कुंभार)भारतीय जनता पार्टी भटके विमुक्त मोर्चा, मुंबई यांच्या वतीने आयोजित स्नेह संमेलन उत्साहात पार पडले. या कार्यक्रमाला भाजपा मुंबईचे अध्यक्ष आमदार Amit Satam यांची प्रमुख उपस्थिती लाभली. तसेच भाजपा भटके विमुक्त मोर्चा मुंबई अध्यक्ष Chandrakant Shinde यांच्या मार्गदर्शनाखाली कार्यक्रमाचे आयोजन करण्यात आले.
दादर (पूर्व) येथील भाजपा मुंबई कार्यालयात झालेल्या या कार्यक्रमात विविध पदाधिकारी, कार्यकर्ते आणि हितचिंतक मोठ्या संख्येने उपस्थित होते. यावेळी भाजपा भटके विमुक्त मोर्चा, मिरा-भाईंदर अध्यक्ष सीए अविनाश बबन मोहिते यांचा विशेष सत्कार करण्यात आला. सामाजिक व संघटनात्मक कार्याबद्दल त्यांच्या योगदानाचा गौरव करण्यात आला.
तसेच या कार्यक्रमात बलराज वारकर यांची भाजप भटके विमुक्त मोर्चा, मुंबई प्रदेश महामंत्री पदावर नियुक्ती करण्यात आली. नियुक्तीपत्र प्रदान करून त्यांचा सन्मान करण्यात आला. यावेळी उपस्थित मान्यवरांनी त्यांना पुढील कार्यासाठी शुभेच्छा दिल्या.
कार्यक्रमात संघटन मजबुती, भटके-विमुक्त समाजाच्या विविध प्रश्नांवर चर्चा तसेच आगामी उपक्रमांबाबत मार्गदर्शन करण्यात आले. उपस्थित कार्यकर्त्यांनी कार्यक्रमाला उत्स्फूर्त प्रतिसाद देत संघटन बळकटीसाठी कटिबद्ध राहण्याचा निर्धार व्यक्त केला. 
✍🏻मुख्य संपादक – रोहिदास कदम
