पुरंदर सासवड (प्रतिनिधी अशोक कुंभार) पालखी महामार्गाची दुरवस्था पाहून गडकरी संतापले!
उखडलेले रस्ते, निकृष्ट कामांवर अधिकाऱ्यांची घेतली खरडपट्टी
पुणे : संत ज्ञानेश्वर महाराज आणि संत तुकाराम महाराज पालखी सोहळ्याच्या पार्श्वभूमीवर सुरू असलेल्या पालखी महामार्गाच्या कामांची पाहणी करताना केंद्रीय मंत्री Nitin Gadkari यांनी तीव्र नाराजी व्यक्त केली. अनेक ठिकाणी रस्त्यांवरील डांबर उखडलेले, खड्डे पडलेले आणि अपूर्ण कामे दिसून आल्याने गडकरी संतापल्याचे पाहायला मिळाले.
वारकऱ्यांच्या सुरक्षिततेचा प्रश्न निर्माण करणाऱ्या या निकृष्ट कामांवर त्यांनी संबंधित अधिकारी आणि ठेकेदारांना चांगलेच फैलावर घेतले. “जनतेच्या पैशातून काम होत असेल तर दर्जेदारच झाले पाहिजे,” अशा शब्दांत त्यांनी प्रशासनाला सुनावले. 
पालखी मार्गावर दरवर्षी लाखो वारकरी पायी चालत जातात. मात्र रस्त्यांची अवस्था बिकट असल्याने वारकरी, वाहनचालक आणि स्थानिक नागरिकांमध्ये संतापाचे वातावरण निर्माण झाले आहे. यावेळी गडकरी यांनी तातडीने दुरुस्ती करण्याचे आदेश देत, निकृष्ट काम करणाऱ्यांवर कठोर कारवाईचा इशाराही दिला.
स्थानिक नागरिकांनीही रस्त्यांच्या गुणवत्तेबाबत प्रश्न उपस्थित करत प्रशासनाच्या कामकाजावर नाराजी व्यक्त केली आहे. पालखीपूर्वीच रस्ते उखडल्याने कामाच्या दर्जावर गंभीर प्रश्नचिन्ह निर्माण झाले आहे.
✍🏻मुख्य संपादक – रोहिदास कदम
