( प्रतिनिधी रोहिदास कदम) तीर्थक्षेत्र आळंदी देवाची पंचक्रोशीतील वाहतूक अधिक सुरळीत व सुरक्षित करण्याच्या दृष्टीने आळंदी-दिघी वाहतूक पोलिस शाखेत नुकतीच वरिष्ठ पोलिस निरीक्षक श्री विनोद पाटील यांची नियुक्ती करण्यात आली आहे. त्यांच्या नियुक्तीनंतर शहरातील वाहतूक व्यवस्थापन अधिक प्रभावी होणार असल्याची भावना नागरिकांमधून व्यक्त होत आहे.
यावेळी श्री हजेरी मारुती मंदिर आरती ग्रूप आळंदी यांच्या वतीने श्री विनोद पाटील यांचा सत्कार व स्वागत समारंभ आयोजित करण्यात आला. कार्यक्रमात विविध मान्यवर, शिवभक्त व नागरिक मोठ्या संख्येने उपस्थित होते.
आळंदीसारख्या तीर्थक्षेत्रात वर्षभर भाविकांची मोठी गर्दी होत असल्याने वाहतूक नियंत्रण हे मोठे आव्हान असते. यासाठी नव्याने नियुक्त झालेले वरिष्ठ पोलिस निरीक्षक विनोद पाटील यांच्या नेतृत्वाखाली वाहतूक व्यवस्था अधिक सक्षम व शिस्तबद्ध होईल, असा विश्वास उपस्थितांनी व्यक्त केला.
✍🏻मुख्य संपादक – रोहिदास कदम
