आळंदी प्रतिनिधी सचिन शिंदे
छत्रपती संभाजीनगर : जिल्ह्यातील गंगापूर-लासूर मार्गवरील शिंदेवाडी फाटा परिसरात एका ३२ वर्षीय तरुणावर अज्ञात हल्लेखोरांनी अमानुष हल्ला केल्याची धक्कादायक घटना समोर आली आहे.
मिळालेल्या माहितीनुसार, शनिवारी रात्री उशिरा काही अज्ञात व्यक्तींनी तरुणाला बळजबरीने निर्जन शेतात नेले. त्यानंतर धारदार शस्त्राने त्याच्यावर भीषण हल्ला करत गुप्तांग कापल्याची माहिती समोर आली आहे. गंभीर जखमी अवस्थेत हल्लेखोरांनी तरुणाला रस्त्यावर फेकून देत घटनास्थळावरून पळ काढला.
घटनेची माहिती मिळताच जखमी तरुणाच्या चुलत भावाने त्याला तातडीने उपजिल्हा रुग्णालय येथे दाखल केले. सध्या त्याच्यावर उपचार सुरू असून त्याची प्रकृती गंभीर असल्याचे डॉक्टरांनी सांगितले.
या घटनेमुळे परिसरात मोठी खळबळ उडाली असून गंगापूर पोलीस यांनी गुन्हा दाखल करून तपास सुरू केला आहे. हल्लेखोरांचा शोध घेण्यासाठी पोलिसांनी विशेष पथक तयार केले असून पुढील तपास सुरू आहे.
✍🏻मुख्य संपादक – रोहिदास कदम
