(तालुका घनसावंगी प्रतिनिधी राहुल बोबडे ) जालना जिल्ह्यातील भोकरदन तालुक्यात एका तरुणीवर तब्बल दहा वर्षे अत्याचार झाल्याची धक्कादायक घटना समोर आली आहे. आरोपीने अल्पवयीन असताना काढलेल्या आक्षेपार्ह फोटोंच्या आधारे तरुणीला धमकावत वारंवार अत्याचार केल्याचा आरोप आहे. तसेच धर्मांतरासाठी दबाव टाकून मानसिक छळही केल्याची माहिती समोर आली आहे.
पीडित तरुणीच्या तक्रारीनंतर पारध पोलीस ठाण्यात आरोपी शेख इम्रान शेख हबीब याच्यासह चौघांविरोधात पोक्सो आणि इतर गंभीर कलमांखाली गुन्हा दाखल करण्यात आला आहे. या प्रकरणामुळे परिसरात मोठी खळबळ उडाली असून पोलीस अधिक तपास करत आहेत.
✍🏻मुख्य संपादक – रोहिदास कदम
