खेड तालुक्यात पाणीटंचाईवर तात्काळ उपाय – अनुराग दादा जैद यांचे सामाजिक योगदान
खेड तालुक्याचे लोकप्रिय कार्यसम्राट आमदार बाबाजीशेठ काळे यांचे भाचे तसेच खेड कृषी उत्पन्न बाजार समितीचे संचालक अनुराग दादा जैद पाटील यांनी माळवाडी ठाकरवस्ती (पाईट) येथील नागरिकांच्या पाणीटंचाईच्या समस्येवर तात्काळ लक्ष केंद्रित करत महत्त्वपूर्ण मदत केली आहे.
ग्रामसदस्य महेश भाऊ शेटे तसेच रौंधळवाडीचे माजी सरपंच किरणशेठ चोरघे, शशिकांतभाऊ आहेरकर आणि शाखाप्रमुख प्रमोद शेटे यांनी ही समस्या दूरध्वनीद्वारे अनुराग दादा जैद पाटील यांच्यासमोर मांडली. संबंधित समस्येची माहिती मिळताच त्यांनी तात्काळ प्रतिसाद देत स्वखर्चातून पाण्याची मोटार उपलब्ध करून दिली, ज्यामुळे माळवाडी ठाकरवस्ती (पाईट) येथील नागरिकांना मोठा दिलासा मिळाला आहे.
या सामाजिक बांधिलकीबद्दल सर्व ग्रामस्थांनी अनुराग दादा जैद पाटील यांचे मनापासून आभार मानले असून, “आपल्या हक्कांचा माणूस” म्हणून त्यांच्यावर विश्वास व्यक्त केला आहे. 
✍🏻मुख्य संपादक – रोहिदास कदम
