.
सासवड (प्रतिनिधी.अशोक.कुंभार)
सासवड शहरातील हडपसर रोड येथील हिवरकर मळा, भोंगळे पेट्रोल पंपासमोर ग्रेट जेंगो सर्कसने आपला भव्य तंबू उभारला असून दररोज तीन खेळांसह प्रेक्षकांच्या मनोरंजनासाठी सज्ज आहे. दुपारी १.००, ४.०० आणि सायंकाळी ७.०० वाजता सर्कसचे खेळ सुरू होत आहेत.
सांगली जिल्ह्यातील तासगाव येथून सन १९७८ साली सुरू झालेल्या ग्रेट जेंगो सर्कसला महाराष्ट्रातील एकमेव मराठी सर्कस म्हणून विशेष ओळख आहे. अनेक वर्षांपासून ही सर्कस यशस्वीपणे प्रेक्षकांचे मनोरंजन करत आहे.
सद्यस्थितीत सर्कसमध्ये ३५ कलाकार सहभागी असून त्यांच्या कौशल्यपूर्ण सादरीकरणाने प्रेक्षक मंत्रमुग्ध होत आहेत. चिंपांजीचे खेळ, फायर डान्स, हायस्पीड मोटारसायकल ‘मौत का कुआ’, इंडिया गॉट टॅलेंट विजेत्या मणिपुरी ग्रुपचे विशेष सादरीकरण, हुल्ला हूप रिंग डान्स, अरेबियन डान्स, तलवार स्टंट, रिंग डान्स आदी थरारक खेळ सर्कसचे मुख्य आकर्षण ठरत आहेत.
लहान मुलांसाठीही सर्कसमध्ये खास आकर्षण ठेवण्यात आले आहे. जोकरांचे हास्यविनोद, विविध मजेशीर खेळ तसेच आवडत्या कार्टून कॅरेक्टर्ससोबत सेल्फी काढण्याची संधी मुलांना मिळत आहे. 
मोबाईल व सोशल मीडियाच्या युगात सर्कससारखी पारंपरिक कला हळूहळू लोप पावत चालली आहे. ही कला जिवंत ठेवण्यासाठी पुरंदर तालुक्यातील नागरिकांनी एकदा तरी ‘ग्रेट जेंगो सर्कस’ला आवर्जून भेट द्यावी, असे आवाहन सर्कस प्रशासनातर्फे करण्यात आले आहे.
—
त
✍🏻मुख्य संपादक – रोहिदास कदम
