श्री क्षेत्र नारायणपूर (ता. पुरंदर, जि. पुणे) – बातमी
श्री क्षेत्र नारायणपूर येथे विश्वचैतन्य सद्गुरु नारायण महाराज यांच्या कृपा-आशीर्वादाने श्री दत्त जयंतीनिमित्त पायी दिंडी व पालखी सोहळ्याचे श्री क्षेत्र औदुंबर कुंडल येथून नारायणपूरकडे आज मंगलवारी (२ डिसेंबर २०२५) उत्साहपूर्ण प्रस्थान झाले.
दुपारी साडेअकरा वाजता पांगरे गावात पालखीचे आगमन होताच गावकऱ्यांनी दत्त महाराजांच्या पालखीचे भव्य स्वागत केले. ढोल-ताशांच्या निनादात, फुलांच्या उधळणीने आणि “दिगंबरा दिगंबरा श्रीपाद वल्लभ दिगंबरा” च्या गजरात वातावरण भक्तिमय झाले.
स्वागत समारंभाच्या वेळी रामराजे कृष्णराव काकडे, भास्कर किसनराव काकडे, संभाजी शशिकांत काकडे, रमेश पुरंदरे, भरत मारुती काकडे, प्रकाश उर्फ बंडू राजाराम काकडे, रवींद्र संपत काकडे यांसह अनेक गावकरी उपस्थित होते.
यानंतर दुपारी तीन वाजता दिंडी-पालखीचे पुढील प्रस्थान श्री क्षेत्र नारायणपूरकडे करण्यात आले. मार्गावर श्रद्धाळू भक्तांची मोठी गर्दी दिसून आली असून दत्त जयंती सोहळ्याची भक्तीमय वातावरणात सुरुवात झाली आहे.
✍🏻मुख्य संपादक – रोहिदास कदम
