पुरंदर तालुका प्रतिनिधी अशोक कुंभार)
पुरंदर तालुक्यातील पंचायत समिती गण भिवडी व जिल्हा परिषद निवडणुकीसाठी शिवसेना (शिंदे गट) पक्षाने अधिकृत उमेदवार जाहीर केले आहेत. जिल्हा परिषदेसाठी श्री. समीर अरविंद जाधव, तर पंचायत समिती गण भिवडीसाठी सौ. पूजा सागर मोकाशी यांना पक्षाची अधिकृत उमेदवारी देण्यात आली आहे.
विद्यमान आमदार बापू शिवतारे यांच्या मार्गदर्शनाखाली पुरंदर तालुक्यात विकासकामांना गती देण्यात आली आहे. पांगरे गावामध्ये धरण बांधकाम पूर्ण करून जलसंधारणाला चालना देण्यात आली असून, विविध शासकीय योजनांच्या माध्यमातून शेतकऱ्यांना दिलासा देण्यासाठी सातत्याने प्रयत्न करण्यात आले आहेत.
रस्ते, पाणीपुरवठा, शेतीपूरक सुविधा आणि मूलभूत विकासकामांच्या जोरावर पुरंदर तालुक्याचा सर्वांगीण विकास साधण्याचा निर्धार उमेदवारांनी व्यक्त केला आहे. आगामी निवडणुकीत विकासाच्या मुद्द्यावर जनतेचा विश्वास संपादन करण्याचा शिवसेना (शिंदे गट)चा प्रयत्न असल्याचे चित्र स्पष्ट होत आहे. 
✍🏻मुख्य संपादक – रोहिदास कदम
