पांगारे येथे श्री काळुबाई देवीची मिरवणूक उत्साहात संपन्न
पांगारे (ता. पुरंदर, जि. पुणे) :
पांगारे गावात दरवर्षीप्रमाणे यंदाही रविवार दिनांक ४ जानेवारी २०२६ रोजी श्री काळुबाई देवीची पारंपरिक मिरवणूक मोठ्या भक्तिभावात व आनंदी वातावरणात पार पडली. ही मिरवणूक गावात अनेक वर्षांपासून परंपरेने सुरू असून ही परंपरा कायमस्वरूपी जपली जात आहे.
सदर उत्सव श्री. बबन अण्णासाहेब पोटे यांच्या मार्गदर्शनाखाली अत्यंत नियोजनबद्ध पद्धतीने साजरा करण्यात आला. मिरवणुकीमध्ये गावातील नागरिक, महिला, युवक मोठ्या संख्येने सहभागी झाले होते.
या प्रसंगी वाड्यातील सर्व सहकारी मंडळी उपस्थित होती. प्रमुख उपस्थितांमध्ये
श्री. संपत कृष्णाजी पोटे, श्री. बाळासाहेब कृष्णाजी पोटे, श्री. सुरेश कृष्णाजी पोटे यांचा समावेश होता. तसेच महिलांमधून सौ. निशा बाळासाहेब पोटे व सौ. उषा सुरेश पोटे यांनी सक्रिय सहभाग नोंदवला.
संपूर्ण कार्यक्रम भक्तीमय वातावरणात, हरिनाम गजर व पारंपरिक पद्धतीने उत्साहात पार पडला.
✍🏻मुख्य संपादक – रोहिदास कदम
