तीर्थपुरी |( प्रतिनिधी राहुल बोबडे)
गुरुदेव श्री श्री रविशंकर यांच्या ७० व्या वाढदिवसानिमित्त तीर्थपुरी येथे भव्य रक्तदान शिबिराचे आयोजन करण्यात आले होते. आर्ट ऑफ लिव्हिंग परिवार, तीर्थपुरी यांच्या वतीने आयोजित करण्यात आलेल्या या सामाजिक उपक्रमाला नागरिकांचा उत्स्फूर्त प्रतिसाद मिळाला.
अंबड रोडवरील डॉ. गोरे यांच्या यश हॉस्पिटलमध्ये आयोजित करण्यात आलेल्या रक्तदान शिबिरात तब्बल ७० रक्तदात्यांनी सहभाग नोंदवत रक्तदान केले. “रक्तदान हेच श्रेष्ठ दान” हा संदेश देत युवक, नागरिक व सामाजिक कार्यकर्त्यांनी मोठ्या संख्येने उपस्थिती लावली.
या शिबिराच्या माध्यमातून समाजात मानवतेचा संदेश देण्याचा प्रयत्न करण्यात आला. रक्ताच्या कमतरतेमुळे अनेक रुग्णांना अडचणींचा सामना करावा लागतो, अशावेळी अशा रक्तदान शिबिरांचे मोठे महत्त्व असल्याचे आयोजकांनी सांगितले.
कार्यक्रम यशस्वी करण्यासाठी आर्ट ऑफ लिव्हिंग परिवारातील सदस्य, डॉक्टर, स्वयंसेवक व स्थानिक नागरिकांनी विशेष परिश्रम घेतले. रक्तदात्यांचे आयोजकांच्या वतीने पुष्प देऊन स्वागत करण्यात आले.
“दानाने प्राप्ते स्वर्गो दानेन सुखमश्नुते” या संदेशाने संपूर्ण परिसरात सामाजिक बांधिलकीचे वातावरण निर्माण झाले होते.
✍🏻मुख्य संपादक – रोहिदास कदम
