,( जालना प्रतिनिधी राहुल बोबडे ) नागपूरमध्ये लाचलुचपत प्रतिबंधक विभागाने मोठी कारवाई करत जिल्हाधिकारी कार्यालयातील महसूल सहाय्यक नरेश साधूरावजी बर्वे (वय ५४) यांना ५ लाख रुपयांची लाच स्वीकारताना रंगेहाथ पकडले.
माहितीनुसार, तक्रारदारांच्या शिवाजीनगर, महाल परिसरातील नझुल प्लॉटवरील बांधकाम प्रकरण अतिरिक्त जिल्हाधिकारी कार्यालयात प्रलंबित होते. हे प्रकरण निकाली काढण्यासाठी बर्वे यांनी तब्बल ५ लाख रुपयांची मागणी केली होती.
शुक्रवारी रात्री उशिरा नंदनवन लेआऊट भागात आरोपीने तक्रारदाराला बोलावले. यावेळी एसीबीने सापळा रचताच बर्वे लाच स्वीकारताना जेरबंद झाले.
कारवाईदरम्यान आरोपीकडून Apple iPhone 13 मोबाईलही जप्त करण्यात आला असून त्यांच्या घराची झडती सुरू आहे.
ही कारवाई लाचलुचपत प्रतिबंधक विभागाच्या पोलीस उपअधीक्षक भारती गुरनुले यांच्या मार्गदर्शनाखाली पोलिस निरीक्षक विवेक पडघान यांनी पार पाडली.
👉 या घटनेमुळे नागपूरमध्ये खळबळ उडाली असून सरकारी कार्यालयांतील भ्रष्टाचार पुन्हा एकदा समोर आला आहे. 
✍🏻मुख्य संपादक – रोहिदास कदम
