(सासवड प्रतिनिधी अशोक कुंभार)
पुरंदर तालुक्यातील सासवड नगरपालिका निवडणुकीच्या पार्श्वभूमीवर राजकीय हालचालींना वेग आला आहे. प्रभाग क्रमांक ५ मधील महिला सर्वसाधारण गटातून भारतीय जनता पक्षाच्या वतीने सौ. ज्योती ताई संजय टिळेकर या निवडणुकीच्या रिंगणात उतरण्याची शक्यता व्यक्त होत आहे.
सौ. टिळेकर या ज्येष्ठ स्वातंत्र्यसैनिक व सासवड नगरपालिकेचे पहिले नगराध्यक्ष, तसेच पुणे जिल्हा मध्यवर्ती बँकेचे माजी संचालक कें. दगडोबा उर्फ मामासाहेब टिळेकर यांच्या नात सुनबाई आहेत. त्यांच्या कुटुंबाचा सासवड शहरातील सामाजिक आणि राजकीय वारसा लक्षात घेता, त्यांची उमेदवारी स्थानिक पातळीवर चर्चा विषय ठरत आहे.
स्थानिक नागरिक आणि कार्यकर्त्यांनी प्रभाग क्रमांक ५ मधील मतदारांना आवाहन केले आहे की, “सासवड शहराच्या विकासासाठी आणि प्रभागाच्या प्रगतीसाठी सौ. ज्योती ताई टिळेकर यांना मतरूपी आशीर्वाद द्यावा.”
👉 सासवड नगरीत निवडणुकीची रणधुमाळी सुरू असून, भाजपकडून महिला नेतृत्वाला संधी दिल्याने वातावरण अधिक रंगतदार होण्याची चिन्हे दिसत आहेत.
✍🏻मुख्य संपादक – रोहिदास कदम
