सासवड (प्रतिनिधी अशोक कुंभार)
वडार मजूर शिल्प प्रतिष्ठान, पिंपरी-चिंचवड (पुणे) यांच्या वतीने वर्ष 2026 चा समाज गौरव पुरस्कार कोल्हापूर येथील अमर दुर्गाप्पा पोवार यांना जाहीर करण्यात आला आहे.
अमर पोवार हे गेल्या सात वर्षांपासून वडार समाजासाठी सक्रियपणे कार्यरत असून, सध्या ते कोल्हापूर जिल्हा सोशल मीडिया प्रमुख म्हणून जबाबदारी सांभाळत आहेत. आपल्या लेखन आणि प्रभावी वक्तृत्वातून त्यांनी समाजातील अन्यायाविरुद्ध आवाज उठवत जनजागृतीचे उल्लेखनीय कार्य केले आहे.
त्यांच्या शालेय व महाविद्यालयीन काळात विद्यार्थी प्रतिनिधी म्हणून बिनविरोध निवड झाली होती. तसेच जिल्हास्तरीय वक्तृत्व स्पर्धांमध्ये प्रथम क्रमांक मिळवून त्यांनी आपली ओळख निर्माण केली. त्यांच्या सामाजिक कार्याची दखल घेऊन यापूर्वीही त्यांना आदर्श समाजसेवक पुरस्कार मिळाला आहे.
अमर पोवार यांचे लेखन ‘पुढारी’, ‘लोकमत’, ‘सकाळ’, ‘पुण्यनगरी’ आणि ‘तरुण भारत’ या प्रमुख वृत्तपत्रांमध्ये प्रकाशित झाले आहे. तसेच त्यांनी आपल्या वडिलांसह, सामाजिक कार्यकर्ते दुर्गाप्पा पोवार यांच्या मार्गदर्शनाखाली कोल्हापूरमधील रिक्षाचालकांच्या प्रश्नांवर काम करत न्यायासाठी आंदोलनेही केली आहेत.
हा पुरस्कार १ मे रोजी कामगार दिन निमित्त पिंपरी-चिंचवड येथे मान्यवरांच्या हस्ते प्रदान करण्यात येणार आहे. या कार्यक्रमास कोल्हापूर जिल्ह्यातील समाजबांधवांनी मोठ्या संख्येने उपस्थित राहावे, असे आवाहन करण्यात आले आहे.
✍🏻मुख्य संपादक – रोहिदास कदम
