पांगारे प्रतिनिधी अशोक कुंभार)
पुणे : भारतीय जनता पार्टी पुणे जिल्हा परिषद व पुरंदर पंचायत समिती सार्वत्रिक निवडणूक 2026 च्या पार्श्वभूमीवर वीर-भिवडी गट जिल्हा परिषद सर्वसाधारण उमेदवार श्री. हरिभाऊ लोळे तसेच पंचायत समिती भिवडी गणातून नागरिकांचा मागास प्रवर्ग महिला उमेदवार सौ. सायली (डॉ. मनोज शिंदे) यांच्या समर्थनार्थ पांगारे गावात सकाळी दहा वाजता भव्य व दिव्य प्रचारसभा उत्साहपूर्ण वातावरणात पार पडली.
या प्रचारसभेला माजी आमदार संजयजी जगताप यांची प्रमुख उपस्थिती लाभली. सभेत बोलताना संजयजी जगताप यांनी भाजपच्या विकासाभिमुख धोरणांचा उल्लेख करत जिल्हा परिषद व पंचायत समितीच्या माध्यमातून ग्रामीण भागाचा सर्वांगीण विकास साधण्याचा निर्धार व्यक्त केला.
उमेदवार श्री. हरिभाऊ लोळे यांनी मतदारांशी संवाद साधताना पाणीपुरवठा, रस्ते, आरोग्य, शिक्षण व शेतकरी प्रश्नांवर ठोस काम करण्याचे आश्वासन दिले. तसेच सौ. सायली (डॉ. मनोज शिंदे) यांनी महिलांच्या सक्षमीकरणासाठी व सामाजिक न्यायासाठी सातत्याने काम करण्याचा संकल्प व्यक्त केला.
या सभेला परिसरातील नागरिकांनी मोठ्या संख्येने उपस्थिती लावली होती. घोषणाबाजी व उत्साहपूर्ण प्रतिसादामुळे संपूर्ण पांगारे गावात निवडणुकीचे वातावरण तापले असल्याचे चित्र दिसून आले.
✍🏻मुख्य संपादक – रोहिदास कदम
