(बातमीदार रोहिदास बबन कदम) /
ज्ञानोबारायांच्या 729 व्या संजीवन समाधी सोहळ्यात ज्ञानेश्वरी शिंदेचे प्रभावी कीर्तन
श्रीरामकृष्ण आध्यात्मिक वारकरी शिक्षण संस्थेमध्ये श्री संत ज्ञानेश्वर महाराज यांच्या 729 व्या संजीवन समाधी सोहळ्यानिमित्त सहाव्या दिवसाचा कीर्तन सोहळा अत्यंत भक्तिमय वातावरणात पार पडला. यावेळी संस्थेत शिक्षण घेणारी कु. ज्ञानेश्वरी दीदी शिंदे हिने प्रभावी कीर्तन सेवा केली.
ज्ञानेश्वरी दीदींनी “जयाचिये द्वारी सोन्याचा पिंपळ / अंगी असे बळ रेडा बोले” या अभंगावर सुंदर विवेचन करताना ज्ञानोबारायांच्या ऐश्वर्याचे वर्णन अत्यंत रसाळ पद्धतीने केले. ‘सोन्याचा पिंपळ’ याचा आध्यात्मिक अर्थ सांगत त्यांनी वारकऱ्यांना मंत्रमुग्ध केले.
कीर्तनात त्यांनी दिलेले दाखले विशेष लक्षवेधी ठरले—
धरणकरी ज्ञानोबारायांच्या दरबारात आला असता, न्यायासाठी त्याला तुकोबारायांच्या दरबारात पाठविण्यात आले होते; “हे कोर्ट आता बंद आहे, तुम्ही तुकोबारायांकडे जा,” असा अप्रतिम उल्लेख करून त्यांनी सर्व वारकऱ्यांचे मन जिंकले.
शिंदे भगिनींचा बहुरंगी कलावैभव
ज्ञानेश्वरी शिंदे : कीर्तन
तिची बहीण : मृदंग विशारद
कार्तिकी शिंदे (वय ५ वर्षे) : गायन
लहान वयात असा उत्तम संगतवादन आणि कीर्तन-गायन उत्तम समन्वयाने रंगला.
कु. कल्याणी शिंदे आणि रवींद्र महाराज कुमकर यांनी मृदंगाची साथ दिली.
रामचंद्र महाराज सारंग व संस्थेतील मुक्ताबाई, जनाबाई, नामदेव, तुकाराम या विद्यार्थ्यांनी सात संगत केली.
प्रमुख पाहुण्यांची उपस्थिती
सोहळ्याला उपस्थित—
ह.भ.प. प्रकाश महाराज जवंजाळ, विश्वस्त – विठ्ठल रखुमाई मंदिर समिती
आकाश वाडघरे, मा. सभापती – पंचायत समिती राजगड
ह.भ.प. मोहन महाराज शिंदे
अण्णा गोरे, शिवाजी गोरे, तानाजी शिंदे
समाधी सोहळ्यासाठी हजारो वारकरी मोठ्या भक्तिभावाने उपस्थित होते. संपूर्ण परिसर “ज्ञानोबा-तुकोबा”च्या जयघोषांनी दुमदुमला.
✍🏻मुख्य संपादक – रोहिदास कदम
