माणगाव (जि. रायगड /अशोक कुंभार प्रतिनिधी
रोटरी क्लब ऑफ पुणे मेट्रो यांच्या निधीतून भारत विकास परिषद कोथरूड व दिव्यांग केंद्र पुणे यांच्या संयुक्त विद्यमाने माणगाव येथे मोफत दिव्यांग शिबिराचे आयोजन करण्यात आले आहे. या शिबिरात रु. ५० हजारांपर्यंत किमतीचे आधुनिक कृत्रिम पाय, हात व कॅलिपर पूर्णतः मोफत देण्यात येणार आहेत.
हे शिबिर विशेषतः गरीब, गरजू व कष्टकरी दिव्यांग बांधवांसाठी सुवर्णसंधी ठरणार आहे. महागड्या उपचारांअभावी आणि आर्थिक अडचणींमुळे कृत्रिम अवयव मिळू न शकलेल्या दिव्यांगांना या शिबिरामुळे पुन्हा स्वावलंबी जीवन जगण्याचा मार्ग खुला होणार आहे.
शिबिरात तज्ज्ञ डॉक्टरांकडून तपासणी करून योग्य मोजमापानुसार आधुनिक मॉड्युलर कृत्रिम अवयव बसवण्यात येणार असून, गरजेनुसार मार्गदर्शनही दिले जाणार आहे.
शिबिराचे ठिकाण : वनवासी कल्याण आश्रम शाळा, माणगाव.
स्थानिक सामाजिक कार्यकर्ते व संस्थांनी या उपक्रमाचे स्वागत करत, जास्तीत जास्त गरजू दिव्यांगांनी या सुवर्णसंधीचा लाभ घ्यावा, असे आवाहन केले आहे.
हा उपक्रम म्हणजे केवळ मदत नव्हे, तर गरीब कष्टकरी दिव्यांगांच्या आत्मसन्मानाने जगण्याकडे टाकलेले आशेचे पाऊल असल्याची भावना व्यक्त होत आहे.
✍🏻मुख्य संपादक – रोहिदास कदम
