वडमुख वाडी : प्रतिनिधी रविदास कदम)
गणेश जयंती निमित्ताने सालाबादप्रमाणे यावर्षी गुरुवार, दिनांक २३ जानेवारी २०२६ रोजी वडमुख वाडी येथे भव्य धार्मिक कार्यक्रमांचे आयोजन करण्यात आले होते. या पवित्र कार्यक्रमास सर्व भाविक भक्तांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले होते.
कार्यक्रमाची सुरुवात सकाळी ७ ते ८ या वेळेत श्री गणरायांचा अभिषेकाने होणार असून, त्यानंतर सकाळी ८ ते १० या वेळेत श्री गणेश पूजन संपन्न होईल. सकाळी १० ते दुपारी १२ या वेळेत हरी कीर्तनाचे आयोजन करण्यात आले होते भाविकांसाठी दुपारी १२ ते २ या वेळेत महाप्रसादाची व्यवस्था करण्यात आली होते
या कीर्तनरूपी सेवेकरिता ह.भ.प. पूज्य वेदांताचार्य कृष्णगुरुजी महाराज पाटोळे (विठ्ठल वारकरी शिक्षण सेवा संस्था, आळंदी देवाची) यांचे पावन मार्गदर्शन लाभणार असून, त्यांच्या कीर्तनातून भक्तांना अध्यात्मिक समाधान मिळणार आहे. 
सदर धार्मिक कार्यक्रमाचे आयोजन संस्थापक पद्मावती भजन मंडळी व सुकम सेवा, तसेच समस्त ग्रामस्थ वडमुख वाडी यांच्या वतीने करण्यात आले आहे. ह.भ.प. अनिल रामचंद्र तापकीर,महाराज सूर्यकांत रामचंद्र तापकीर व चंद्रकांत तापकीर यांच्या पुढाकारातून हा कार्यक्रम यशस्वीरीत्या साकारत आहे.
गणेश जयंतीच्या पावन पर्वावर भक्तीभावाने सहभागी होऊन अभिषेक, कीर्तन व महाप्रसादाचा लाभ घ्यावा, असे आवाहन आयोजकांच्या वतीने करण्यात आले होते.
✍🏻मुख्य संपादक – रोहिदास कदम
