उपशीर्षक :
नाशिकनंतर धुळे जिल्ह्यात सुरू झालेला उपक्रम – विद्यार्थ्यांना ज्ञानेश्वरीतील संस्कार, जीवनमूल्ये आणि आध्यात्मिक मार्गदर्शन
✍️ बातमी :(रोहिदास कदम)
श्री माऊलींच्या कृपेने ‘ओळख श्री ज्ञानेश्वरी’ या संस्कारक्षम उपक्रमाने आता नाशिक जिल्ह्यानंतर धुळे जिल्ह्यातही पाऊल ठेवले आहे. आज या उपक्रमाचा शुभारंभ मोठ्या उत्साहात करण्यात आला.
धुळे जिल्ह्यातील चार आश्रम शाळांमध्ये हा उपक्रम सुरू झाला असून त्यामध्ये –
1️⃣ केशव स्मृती आदिवासी आश्रम शाळा, कुसुंबा
2️⃣ माधव स्मृती आदिवासी आश्रम शाळा, समोटे, ता. साक्री
3️⃣ विजयंटी आश्रम शाळा, पिंपळनेर, ता. साक्री
4️⃣ श्यामाप्रसाद मुखर्जी स्कूल, पिंपळनेर, ता. साक्री
या चारही शाळांमध्ये विद्यार्थ्यांनी ज्ञानेश्वरीच्या विचारांना, संस्कारांना आणि जीवनमूल्यांना ओळखून घेण्याची उत्स्फूर्त तयारी दर्शवली.
उपक्रमाच्या माध्यमातून विद्यार्थ्यांच्या मनावर ज्ञानेश्वरीतील आध्यात्मिक मार्गदर्शन व संस्कारांचा ठसा उमटवण्याचा प्रयत्न होत आहे. या कार्यक्रमाला स्थानिक शिक्षक ह.भ पण पुरुषोत्तम महाराज हिंगणकर ह भ प श्री पांचाळ महाराज ह भ प प्रल्हाद महाराज पत्रकार अर्जुन मेदनकर मान्यवर व पालक यांचीही उपस्थिती लाभली.🚩🚩🚩
✍🏻मुख्य संपादक – रोहिदास कदम
