(प्रतिनिधी अशोक कुंभार):
पांगारे गावातील श्रीनिष्णाई देवीची वार्षिक यात्रा शनिवार, दि. २४ जानेवारी २०२६ रोजी गावकरी व यात्रा कमिटीच्या संयुक्त सहभागातून मोठ्या उत्साहात पार पडली. पारंपरिक श्रद्धा आणि सांस्कृतिक कार्यक्रमांच्या साक्षीने यात्रेची सांगता करण्यात आली.
या यात्रेनिमित्त देवीची भव्य मिरवणूक काढण्यात आली. मिरवणुकीत गावकरी मोठ्या संख्येने सहभागी झाले होते. तसेच यात्रेच्या निमित्ताने बैलगाडा शर्यत, कुस्ती, तमाशा आदी पारंपरिक स्पर्धांचे आयोजन करण्यात आले होते. या कार्यक्रमांना नागरिकांचा उत्स्फूर्त प्रतिसाद लाभला.
गावात सर्वत्र भक्तीमय वातावरण निर्माण झाले होते. यात्रा शांततेत व शिस्तबद्ध पद्धतीने पार पडल्याबद्दल ग्रामस्थ व यात्रा कमिटीच्या कार्याचे सर्वत्र कौतुक करण्यात आले.
✍🏻मुख्य संपादक – रोहिदास कदम
