मुण्मय बाबाजी काळे यांची युवाशिवसेना जिल्हाध्यक्षपदी नियुक्ती
खेड (प्रतिनिधी) : खेडचे आमदार बाबाजी काळे यांचे पुत्र मुण्मय काळे यांना शिवसेना पक्षात मोठी जबाबदारी मिळाली आहे. शिवसेना उपनेते व युवाशिवसेना प्रमुख वरुण सरदेसाई यांच्या हस्ते त्यांची युवाशिवसेना जिल्हाध्यक्षपदी नियुक्ती करण्यात आली.
आमदार बाबाजी काळे हे खेड तालुक्यातील कार्यशील आमदार म्हणून ओळखले जातात. शेतकरी आणि सामाजिक प्रश्नांवर ते सतत पाठपुरावा करत असून विधान भवनातही जनतेच्या प्रश्नांसाठी सातत्याने आवाज उठवत आहेत. अशा कार्यकर्त्यांच्या मुलाची जिल्हाध्यक्षपदी नियुक्ती झाल्याने कार्यकर्त्यांमध्ये आनंदाचे वातावरण आहे.
मुण्मय काळे हे समाजकारणात सक्रीय असून, त्यांच्या नेतृत्वामुळे युवाशिवसेनेला नवी दिशा व ऊर्जा मिळेल, असा विश्वास स्थानिक शिवसैनिकांनी व्यक्त केला आहे.
✍🏻मुख्य संपादक – रोहिदास कदम
