मुंबई प्रतिनिधी (बबनराव मोहिते) मीरा-भाईंदरमध्ये POCSO प्रकरणामुळे राजकीय खळबळ; महिला व बालकल्याण समिती सभापतींच्या राजीनाम्याची मागणी
मुंबई : मीरा-भाईंदर महानगरपालिकेच्या महिला व बालकल्याण समितीच्या सभापतींच्या भावाला अल्पवयीन मुलीवरील लैंगिक अत्याचाराच्या (POCSO) प्रकरणात अटक झाल्यानंतर शहरात मोठी राजकीय खळबळ उडाली आहे. या घटनेनंतर संबंधित सभापतींनी नैतिक जबाबदारी स्वीकारून तात्काळ राजीनामा द्यावा, अशी मागणी विरोधकांकडून करण्यात येणार असल्याचे
विरोधी पक्षातील पदाधिकाऱ्यांनी महिला आणि बालकल्याणाशी संबंधित महत्त्वाच्या समितीच्या प्रमुख पदावर असलेल्या व्यक्तीच्या कुटुंबातील सदस्यावर गंभीर स्वरूपाचे आरोप असल्याने या प्रकरणाची सखोल चौकशी व्हावी, अशी मागणी केली आहे. तसेच पीडितेला न्याय मिळावा आणि आरोपीवर कठोर कारवाई व्हावी, असेही त्यांनी स्पष्ट केले.
दरम्यान, या प्रकरणामुळे मीरा-भाईंदरच्या राजकीय वर्तुळात चर्चा रंगली असून, संबंधित सभापतींची भूमिका आणि पुढील निर्णयाकडे सर्वांचे लक्ष लागले आहे. पोलिसांकडून प्रकरणाचा तपास सुरू असून POCSO कायद्यानुसार पुढील कायदेशीर प्रक्रिया राबवली जात आहे.१
✍🏻मुख्य संपादक – रोहिदास कदम
