आळंदी (रवी कदम) :
मरकळ येथील श्री केशवराज शिक्षण संस्थेच्या पवन्सूत इंग्लिश मीडियम स्कूलच्या वार्षिक स्नेहसंमेलनानिमित्त आधुनिक काळात लोकनृत्याची परंपरा जपली जावी व ती नव्या पिढीपर्यंत पोहोचावी, या उदात्त हेतूने आयोजित करण्यात आलेली ‘श्री केशवराज महाराज करंडक लोकनृत्य स्पर्धा’ यंदा पहिल्यांदाच मोठ्या उत्साहात पार पडली.
शाळेचे प्राचार्य मिलिंद नखाते व सर्व सहकारी यांच्या संकल्पनेतून आणि उत्कृष्ट नियोजनातून या स्पर्धेचे यशस्वी आयोजन करण्यात आले. या स्पर्धेत एकूण १२ शाळांनी उत्स्फूर्त सहभाग नोंदवला. स्पर्धा लहान व मोठा अशा दोन गटांत घेण्यात आली.
स्पर्धेचा निकाल पुढीलप्रमाणे :
मोठा गट (इयत्ता ८ वी ते १० वी)
प्रथम क्रमांक : अॅपेक्स इंटरनॅशनल स्कूल, चऱ्होली
द्वितीय क्रमांक : नवीन माध्यमिक विद्यालय, मरकळ
तृतीय क्रमांक : पवन्सूत इंग्लिश मीडियम स्कूल, मरकळ
लहान गट (इयत्ता ५ वी ते ७ वी)
प्रथम क्रमांक : किड्स पॅराडाईज स्कूल, आळंदी
द्वितीय क्रमांक : लर्निंग ट्री स्कूल, वराळे
तृतीय क्रमांक : पवन्सूत इंग्लिश मीडियम स्कूल, मरकळ
बक्षीस वितरण समारंभ मान्यवरांच्या उपस्थितीत उत्साहात पार पडला. प्रथम क्रमांकासाठी ५,००० रुपये, द्वितीय क्रमांकासाठी ३,००० रुपये, तर तृतीय क्रमांकासाठी २,००० रुपये रोख व करंडक असे पारितोषिक देण्यात आले.
मोठ्या गटासाठीचे बक्षीस मरकळ गावचे सरपंच हनुमंत लोखंडे यांनी, तर लहान गटासाठीचे एकूण १०,००० रुपयांचे बक्षीस उद्योजक जयसिंगराव लोखंडे यांनी दिले.
या कार्यक्रमास श्री केशवराज शिक्षण संस्थेचे सचिव राहुल जनार्धन शिंदे, स्नेहा प्रीकास्टचे डायरेक्टर प्रवीण चौधरी, संचालक तुकाराम वहिले, खेड तालुका खरेदी-विक्री संघाचे संचालक किरण लोखंडे, उपसरपंच बाळासाहेब लोखंडे, संचालक शंकरभाऊ लोखंडे, एकनाथ वरपे, नवीन माध्यमिक व उच्च माध्यमिक विद्यालयाच्या प्राचार्या छाया लाटे, पर्यवेक्षक शंकर जाचक, तसेच विभागप्रमुख व नवीन उच्च माध्यमिक विद्यालयाचे संतोष आव्हाळे आदी मान्यवर उपस्थित होते. सर्व मान्यवरांनी विद्यार्थ्यांच्या सादरीकरणाचे कौतुक केले.
सांस्कृतिक वारसा जपण्याच्या दृष्टीने पवन्सूत इंग्लिश मीडियम स्कूलने या लोकनृत्य स्पर्धेच्या माध्यमातून शैक्षणिक क्षेत्रात एक नवा आदर्श निर्माण केला असल्याची भावना उपस्थितांनी व्यक्त केली.
✍🏻मुख्य संपादक – रोहिदास कदम
