सासवड प्रतिनिधी (अशोक कुंभार )
ग्रामीण रुग्णालय सासवड येथे आजचा दिवस अत्यंत भावनिक आणि संस्मरणीय ठरला. रुग्णालयातील कर्तव्यदक्ष, प्रेमळ आणि समर्पित सेविका सुनीता कुदळे मॅडम यांची आज सन्मानपूर्वक सेवापूर्ती झाली.
सुनीता कुदळे मॅडम यांनी शासकीय सेवेत तब्बल ३१ वर्षे प्रामाणिकपणे कार्य करत गरीब, सर्वसामान्य आणि गरजू रुग्णांची मनापासून सेवा केली. मागील चार वर्षांपासून त्यांनी ग्रामीण रुग्णालय सासवड येथे अत्यंत निष्ठा आणि जबाबदारीने आपली सेवा बजावली. त्यांच्या कार्यकाळात घेतलेले निर्णय, कठीण प्रसंगात दाखवलेली समजूतदार भूमिका आणि रुग्णांप्रती असलेली आपुलकी सर्वांसाठी प्रेरणादायी ठरली.
विशेषतः महिला व जेष्ठ नागरिकांना डोळ्यांच्या आरोग्याबाबत मार्गदर्शन करून, विविध शिबिरांच्या माध्यमातून मोफत तपासणी व ऑपरेशनची सुविधा उपलब्ध करून देण्यात त्यांचा मोलाचा वाटा राहिला. 👀.
त्यांच्या या कार्यामुळे असंख्य रुग्णांना नवजीवन मिळाले.
त्यांचा कामाप्रती असलेला उत्साह, शिस्तबद्ध कार्यपद्धती आणि प्रत्येकाला मदत करण्याची वृत्ती यामुळे त्या सर्वांच्या लाडक्या बनल्या. त्या केवळ सहकारी नव्हत्या, तर एक उत्तम मार्गदर्शक (Mentor) म्हणून नेहमीच आधार देत राहिल्या.
आज निरोप देताना डोळे पाणावले असले तरी त्यांच्या आठवणी, त्यांचे मार्गदर्शन आणि त्यांनी दिलेली शिकवण नेहमीच आमच्या सोबत राहील.
💐 सुनीता कुदळे मॅडम यांना निवृत्तीनंतरच्या आयुष्यासाठी उत्तम आरोग्य, सुख-समृद्धी आणि दीर्घायुष्याच्या मनःपूर्वक शुभेच्छा!
✍🏻मुख्य संपादक – रोहिदास कदम
