सासवड प्रतिनिधी प्रतिनिधी अशोक कुंभार
सासवड, दि. 23 : ग्रामीण रुग्णालय सासवड येथे मोफत आरोग्य तपासणी शिबिराचे आयोजन करण्यात आले. हे शिबिर गुरु तेग बहादूर यांच्या 350 व्या शहिदी समागमाच्या निमित्ताने आयोजित करण्यात आले होते.
या शिबिराचे आयोजन डॉ. भगवान पवार (मा. उपसंचालक, आरोग्य सेवा पुणे मंडळ), डॉ. नागनाथ येम्पल्ले (मा. जिल्हा शल्यचिकित्सक, जिल्हा रुग्णालय पुणे) आणि डॉ. गजानन अकमार (वैद्यकीय अधीक्षक) यांच्या मार्गदर्शनाखाली करण्यात आले. तसेच ग्रामीण रुग्णालय सासवड येथील सर्व अधिकारी व कर्मचाऱ्यांनी या उपक्रमात बहुमोल सहकार्य केले.
या आरोग्य शिबिरामध्ये एकूण 410 लाभार्थ्यांनी सहभागी होत विविध आरोग्य सेवांचा लाभ घेतला. शिबिरात खालील सुविधा उपलब्ध करून देण्यात आल्या:
सर्वसाधारण आरोग्य तपासणी
प्रयोगशाळा तपासण्या व ECG तपासणी
असंसर्गजन्य आजारांची तपासणी व मार्गदर्शन
आभा (ABHA) कार्ड नोंदणी व तयार करणे
ग्रामीण भागातील नागरिकांना आरोग्य सेवा सहज उपलब्ध व्हाव्यात आणि रोगांचे लवकर निदान व्हावे, या उद्देशाने हे शिबिर यशस्वीरीत्या पार पडले. स्थानिक नागरिकांनी या उपक्रमाचे स्वागत करत प्रशासनाचे आभार व्यक्त केले.
✍🏻मुख्य संपादक – रोहिदास कदम
