केज (प्रतिनिधी – मेघा चाटे | मानव मित्र न्यूज): छत्रपती शिवाजी महाराज स्वराज्य समाधान शिबिर अभियानांतर्गत आंबेजोगाई येथे विशेष शिबिराचे आयोजन करण्यात आले आहे. हे शिबिर उद्या दि. 28 जुलै 2026 रोजी आर्या मंगल कार्यालय, आंबेजोगाई येथे सकाळी 9.00 वाजता होणार आहे.
या शिबिरासाठी तालुक्यातील सर्व सामुदायिक आरोग्य अधिकारी, आरोग्य सहाय्यक, आरोग्य सहाय्यिका, आरोग्य सेवक, आरोग्य सेविका तसेच गटप्रवर्तक यांनी वेळेत उपस्थित राहण्याचे आवाहन करण्यात आले आहे.
याबाबत विशेष सूचना देताना, ज्या कर्मचाऱ्यांची लसीकरणाची जबाबदारी नियोजित आहे त्यांनी आपले नियोजित लसीकरण सत्र नियमितपणे पार पाडून सायंकाळी 5.00 वाजेपर्यंत आपल्या कार्यक्षेत्रात उपस्थित राहावे, असे निर्देश देण्यात आले आहेत.
शिबिरास कोणताही कर्मचारी गैरहजर राहू नये, असे स्पष्ट आदेश मा. तालुका आरोग्य अधिकारी, केज यांनी दिले आहेत.
– मेघा चाटे,प्रतिनिधी, मानव मित्र न्यूज
✍🏻मुख्य संपादक – रोहिदास कदम
