(पुणे प्रतिनिधी अशोक कुंभार) सासवड जेजुरी
आगामी नगरपालिका सार्वत्रिक निवडणुकीच्या पार्श्वभूमीवर शाहू-फुले-आंबेडकर विचारांची मशाल घेऊन काम करणाऱ्या कार्यकर्त्यांना राजकीय पक्षांनी उमेदवारीची संधी द्यावी, अशी ठाम मागणी सुहास बेंगाळे यांनी केली आहे. आजपर्यंत या कार्यकर्त्यांचा वापर करण्यात आला, परंतु त्यांना निर्णयप्रक्रियेत कधीच स्थान मिळाले नाही, अशी खंतही त्यांनी व्यक्त केली.
सासवड आणि जेजुरी नगरपालिकांत यंदा अनुसूचित जाती (एसी) साठी गण आणि प्रभाग राखीव आहेत. या घडामोडीतून समाजातील सक्रिय कार्यकर्त्यांना प्राधान्य दिले जावे, असा सूर बेंगाळे यांनी लावला.
त्यांनी पुढे इशारा देत म्हटले की जर या कार्यकर्त्यांना संधी नाकारण्यात आली तर ते एकत्र येऊन स्वतंत्र राजकीय दिशा ठरवू शकतात. “महायुती असो किंवा महाविकास आघाडी, निर्णय आमच्या विश्वासावर आधारित असावा,” असे ते म्हणाले.
महत्त्वाचे मुद्दे:
• शाहू-फुले-आंबेडकर चळवळीतील कार्यकर्त्यांना उमेदवारीची मागणी
• एसी राखीव प्रभागात समाजातील कार्यकर्त्यांना प्राधान्य द्यावे
• दुर्लक्ष झाल्यास कार्यकर्त्यांकडून स्वतंत्र राजकीय पर्यायाची शक्यता
✍🏻मुख्य संपादक – रोहिदास कदम
