पिंपरी चिंचवड महानगरपालिका, पुणे वन विभाग आणि वेदव्यास तपोवन प्रतिष्ठान पुणे यांच्या संयुक्त विद्यमाने डूडूळगावात तब्बल ५० हजार देशी वृक्ष लागवड मोहिमेची सुरुवात करण्यात आली आहे. या हरित उपक्रमाचे उद्घाटन प.पू. स्वामी गोविंद देव गिरी महाराज यांच्या हस्ते डूडूळगाव प्लॉट क्रमांक १९० येथे पार पडले.
मान्यवरांची उपस्थिती
उद्घाटन सोहळ्यात पिंपरी चिंचवड महानगरपालिकेचे आयुक्त तथा प्रशासक शेखर सिंह, पुणे वन विभागाचे अधिकारी महादेव मोहिते, अतिरिक्त आयुक्त प्रदीप जांभळे पाटील, ह.भ.प. प्रभाकर महाराज मोरे, मुख्य उद्यान अधीक्षक महेश गारगोटे, वन परिक्षेत्र अधिकारी सुरेश वरक, उद्यान अधीक्षक योगेश वाळुंज, उप उद्यान अधीक्षक राजेंद्र वसावे, उद्यान निरीक्षक दाद गोरड, उद्यान सहाय्यक सचिन शिनगारे, तसेच शिवाजी बुचडे आणि प्रथमेश सीनकर यांसह अनेक मान्यवर उपस्थित होते.
वन विभागाचा सक्रिय सहभाग
वन विभागाच्या वतीने वनपाल शीतल खेंडके, प्रमोद रासकर, वनरक्षक अशोक गायकवाड, बाळासाहेब जीवाडे, अंकुश कचरे, कोमल सपकाळ, प्रिया आकेन, प्रीती नागले, ओंकार गुंड, अनिल राठोड, संगिता कल्याणकर, पूजा कुबल यांसह अनेक कर्मचारी सक्रिय सहभागी झाले.
नागरिकांचा उत्स्फूर्त प्रतिसाद
सामाजिक कार्यकर्ते वंदना वहिले, रमेश वहिले, हिरामण आल्हाट, नगाजी वहिले आणि डूडूळगाव परिसरातील नागरिक मोठ्या संख्येने या उपक्रमात सहभागी झाले.
पर्यावरण संवर्धनासाठी प्रेरक पाऊल
ही मोहीम शहरातील हरित क्षेत्र वाढवण्यासाठी, हवामान सुधारण्यासाठी आणि स्थानिक जैवविविधतेला चालना देण्यासाठी एक महत्त्वाचे पाऊल मानले जात आहे. पिंपरी चिंचवड महानगरपालिकेचा हा उपक्रम नागरिकांमध्ये पर्यावरणीय सजगता वाढविण्यासाठी प्रेरक ठरणार असल्याचे मान्यवरांनी नमूद केले.
🌱 ५० हजार वृक्ष लागवड – हरित पुण्यासाठी महत्त्वपूर्ण टप्पा 🌱
✍🏻मुख्य संपादक – रोहिदास कदम
