सासवड
(प्रतिनिधी अशोक कुंभार)खेड शिवापूर टोलनाक्याजवळ गुरुवारी दुपारी भीषण अपघात घडला. भरधाव गॅस टँकरने दुचाकीला जोरदार धडक दिल्याने राजेंद्र मोरे आणि सविता मोरे या पती-पत्नीचा जागीच दुर्दैवी मृत्यू झाला.
मिळालेल्या प्राथमिक माहितीनुसार, मोरे दांपत्य साताऱ्याकडे जात असताना हा अपघात झाला. धडकेची तीव्रता इतकी मोठी होती की दोघांचाही घटनास्थळी मृत्यू झाला. अपघातानंतर परिसरात मोठी गर्दी झाली असून नागरिकांमध्ये संतापाचे वातावरण निर्माण झाले.
घटनेनंतर काही काळ वाहतूक विस्कळीत झाली होती. पोलिसांनी तात्काळ घटनास्थळी धाव घेत टँकर चालकाला ताब्यात घेतले असून वाहतूक सुरळीत करण्यात आली आहे. या घटनेचा पुढील तपास सुरू आहे.
✍🏻मुख्य संपादक – रोहिदास कदम
