पुण्यातील तळेगाव ढमढेरे येथे धक्कादायक घटना; पत्नीची हातोडीने हत्या, पती पोलीस ठाण्यात हजर
पुणे : (प्रतिनिधी अशोक कुंभार) पुणे जिल्ह्यातील तळेगाव ढमढेरे येथे कौटुंबिक वादातून एक भीषण घटना घडली आहे. मिळालेल्या माहितीनुसार, मनोहर कांबळे यांनी पत्नी सविता कांबळे यांच्या डोक्यावर हातोडीने वार करून हत्या केल्याचा आरोप आहे.
घटना घडल्यानंतर आरोपी मनोहर कांबळे स्वतः शिक्रापूर पोलीस ठाण्यात जाऊन हजर झाला. माहिती मिळताच पोलिसांनी घटनास्थळी धाव घेतली असता महिला रक्ताच्या थारोळ्यात आढळून आल्या.
या प्रकरणी मुलाच्या फिर्यादीवरून पोलिसांनी आरोपी वडिलांविरुद्ध गुन्हा दाखल करून त्यांना अटक केली आहे. या घटनेचा पुढील तपास पोलीस उपनिरीक्षक महेश डोंगरे करत आहेत.
✍🏻मुख्य संपादक – रोहिदास कदम
