सावरगाव (ता. अर्धापूर, जि. नांदेड) | प्रतिनिधी : नितीन आबादार
सावरगाव येथील जिल्हा परिषद प्राथमिक शाळेत विद्यार्थ्यांच्या सर्वांगीण विकासासाठी ‘आनंदनगरी’ हा उपक्रम उत्साहात पार पडला. या कार्यक्रमाचे उद्घाटन दत्तारामजी इंगोले यांच्या हस्ते करण्यात आले.
यावेळी शालेय व्यवस्थापन समितीचे अध्यक्ष राजेश दत्ताराम हिंगोली, उपाध्यक्ष नितीन आबादार यांची प्रमुख उपस्थिती होती. तसेच गावातील प्रतिष्ठित नागरिक, पालकवर्ग मोठ्या संख्येने उपस्थित होते.
कार्यक्रमाच्या यशस्वी आयोजनासाठी मुख्याध्यापक तसेच शिक्षकवृंद यांनी विशेष परिश्रम घेतले. यामध्ये काळभोर मॅडम, मुंडे मॅडम, पडलवार सर यांच्यासह सर्व शिक्षकांनी विद्यार्थ्यांना आनंददायी वातावरणात विविध उपक्रमांचा अनुभव दिला.
‘आनंदनगरी’ उपक्रमामुळे विद्यार्थ्यांमध्ये शिकण्याची गोडी निर्माण होऊन त्यांचा आत्मविश्वास वाढण्यास मदत होत असल्याचे मत उपस्थित मान्यवरांनी व्यक्त केले. कार्यक्रमाला विद्यार्थ्यांचा उत्स्फूर्त प्रतिसाद लाभला.
✍🏻मुख्य संपादक – रोहिदास कदम
