सासवड प्रतिनिधी अशोक कुंभार/
सासवड (ता. पुरंदर) : ८ मार्च आंतरराष्ट्रीय महिला दिन निमित्त सासवड एसटी आगारात मोठ्या उत्साहात कार्यक्रमाचे आयोजन करण्यात आले. यावेळी सासवड एसटी स्टँडवर कार्यरत महिला कर्मचारी तसेच प्रवासी महिलांचा गुलाब पुष्प देऊन सन्मान करण्यात आला.
या कार्यक्रमात एसटी महामंडळाचे वरिष्ठ अधिकारी सुरेशजी लोणकर साहेब यांनी महिलांना महिला दिनाच्या शुभेच्छा देत मार्गदर्शन केले. महिलांनी स्वावलंबी बनून समाजात आपला हक्क मिळवावा, विविध क्षेत्रात महिलांनी केलेली उत्तुंग कामगिरी अभिमानास्पद आहे, असे गौरवोद्गार त्यांनी काढले.
याच दिवशी सासवड एसटी स्टँडच्या नूतनीकरणाचा दिनांकही ८ मार्च असल्यामुळे आगारात केक कापून स्टँडचा वाढदिवस देखील साजरा करण्यात आला.
सासवड एसटी कॅन्टीन गेल्या तीन वर्षांपासून सारंगी लोणकर अतिशय उत्तम पद्धतीने चालवत असून ते प्रवाशांच्या पसंतीस उतरले आहे. त्यांच्या कार्याचा गौरव करून स्थानक प्रमुख मोहिनी ढेरे मॅडम यांच्या हस्ते त्यांचा सन्मान करण्यात आला.
याप्रसंगी सहाय्यक वाहतूक निरीक्षक येळे साहेब, वाहतूक नियंत्रक पोपटराव जयनाथ, महेश भोंगळे, रामदासजी गावडे तसेच सासवड आगारातील बहुसंख्य महिला कर्मचारी उपस्थित होत्या.
✍🏻मुख्य संपादक – रोहिदास कदम
