📍 पुणे : विभागीय आयुक्त कार्यालयात १०० दिवसांच्या कार्यलयीन सुधारणांचा आढावा
पुणे विभागीय आयुक्त कार्यालयात १०० दिवसांच्या कार्यलयीन सुधारणांच्या यशस्वी वाटचालीसोबत विविध लोकाभिमुख उपक्रमांचा शुभारंभ करण्यात आला. या कार्यक्रमात अंतरगत निवड झालेल्या कार्यालयांना प्रशस्तीपत्र प्रदान करण्यात आले. यावेळी पुणे जिल्हा परिषदेद्वारे शाळा बस हस्तांतरण व सायकल बँक लोकार्पणाचा कार्यक्रम पार पडला.
“Skill on Wheels”, “RO वाटप (पाणी शुद्धीकरण)”, “डिजिटल वर्गखोली”, “Stem on Wheels” यांसारख्या उपक्रमांचेही उद्घाटन करण्यात आले. ग्रामीण भागातील विद्यार्थ्यांना सायकलमुळे सोयीस्कर प्रवास, पर्यावरणपूरक दृष्टीकोन आणि आरोग्यदायी जीवनशैलीची जोड मिळणार आहे. जागतिक दर्जाच्या ४७० किमी सायकल ट्रॅकमुळे पर्यटनालाही चालना मिळेल, अशी अपेक्षा व्यक्त झाली.
कोशल्य फेलोशिप (Kaushalya Fellows) उपक्रमामुळे युवकांना रोजगार व उद्योग क्षेत्रातील संधी उपलब्ध होणार आहेत.
📚 शैक्षणिक क्षेत्रात विशेष लक्षवेधी बाब म्हणजे जिल्हा परिषद शाळांमधील विद्यार्थ्यांमध्ये मुली सातत्याने आपले बौद्धिक कौशल्य सिद्ध करत असून, मुलांच्या तुलनेत इसोमधील निवडीत मुलींचा सहभाग जास्त दिसून येतो आहे. ही बाब महाराष्ट्रासाठी अभिमानास्पद ठरत आहे.
याप्रसंगी विभागीय आयुक्तांनी सांगितले की, शासनाच्या कारभारात गती, पारदर्शकता व जनसेवा कायम ठेवण्याचा प्रयत्न राहील. नागरिकांच्या तक्रारींवर तातडीने तोडगा काढला जाईल. प्रशासन लोकाभिमुख व जनतेकेंद्रित राहील, तसेच प्रत्येक निर्णयात सामान्य माणूस केंद्रस्थानी असेल, अशी ग्वाहीही त्यांनी दिली.
👉 कार्यक्रम स्थळ : विभागीय आयुक्त कार्यालय, पुणे
✍🏻मुख्य संपादक – रोहिदास कदम
