सासवड/पुरंदर अशोक.कुंभार :
सासवड तालुका, पुरंदर विभागातील श्री राजू जगन्नाथ खळदे यांनी महाराष्ट्र राज्य परिवहन महामंडळात तब्बल ३४ वर्षांची प्रदीर्घ व प्रशंसनीय सेवा बजावल्यानंतर दिनांक ३० नोव्हेंबर २०२५ रोजी सेवानिवृत्ती स्वीकारली. त्यानिमित्त सासवड आगारात प्रशासनाच्या वतीने स्नेहपूर्वक निरोप समारंभ आयोजित करण्यात आला.
कार्यक्रमाचे अध्यक्षस्थान आगार व्यवस्थापक श्री गाडे साहेब यांनी भूषवले. निरोप समारंभात स्थानक प्रमुख सौ. ढेरे मॅडम, वाहतूक नियंत्रक पोपट जैनक, एस.टी. को-ऑपरेटिव्ह सोसायटीचे चेअरमन विकास काकडे, अध्यक्ष सुरेश कडू, कार्यवाहक अध्यक्ष श्री कैलास जगताप, कार्यकारी अध्यक्ष मदने साहेब, श्री संजय जी जगदाळे, दत्तात्रेय सस्ते, बाळासाहेब बडदे यांच्यासह अनेक मान्यवर व सहकारी मोठ्या संख्येने उपस्थित होते.
श्री खळदे यांनी आपल्या सेवाकाळात इंदापूर, स्वारगेट आणि सासवड आगारांमध्ये कार्यरत राहून प्रामाणिकपणे व निष्ठेने सेवा बजावली. त्यांच्या कुटुंबातील वडील व भाऊदेखील एस.टी.च्या सेवेत असल्याने खळदे कुटुंबाची ही पारंपरिक सेवा आज गौरवण्यात आली.
कार्यक्रमाचे सुत्रसंचालन श्री सुरेश कडू यांनी केले. स्थानक प्रमुख ढेरे मॅडम यांनी मनोगत व्यक्त करताना श्री खळदे यांच्या शिस्तबद्ध, सेवाभावी वृत्तीचे कौतुक केले. आगार व्यवस्थापकांनीही मार्गदर्शनपर शब्दातून त्यांच्या सेवाप्रवासाची उजळणी केली.
श्री खळदे यांनी आपल्या मनोगतात आगार व्यवस्थापक, अधिकारी-कर्मचारी व सहकाऱ्यांचे मनःपूर्वक आभार मानले.
कार्यक्रमाच्या शेवटी श्री काला जगताप यांनी आभार प्रदर्शन केले.
✍🏻मुख्य संपादक – रोहिदास कदम
