तळेगाव दाभाडे (रविदास कदम) :
सतर्क महाराष्ट्र न्यूज चॅनेलच्या द्वितीय वर्धापन दिनानिमित्त शनिवार, दिनांक २४ जानेवारी २०२६ रोजी सायंकाळी ६ वाजता तळेगाव दाभाडे येथील दादा-दादी पार्क, पंचवटी कॉलनी येथे भव्य आणि उत्साहपूर्ण कार्यक्रमाचे आयोजन करण्यात आले होते.
या वर्धापन दिन सोहळ्यात तळेगाव दाभाडे नगरपरिषदेत नुकतेच निवडून आलेले नवीन नगरसेवक यांचा स्मृतिचिन्ह व ट्रॉफी देऊन गौरव करण्यात आला. तसेच समाजातील विविध क्षेत्रात उल्लेखनीय कार्य करणारे उद्योजक व राजकीय पदाधिकारी यांचाही यथोचित सन्मान करण्यात आला.
कार्यक्रमात समाजहितासाठी कार्य करणाऱ्या पत्रकार बांधवांचा विशेष सत्कार करण्यात आला. यामध्ये शेतकरी संघटनेचे गजानन गांडेकर, हुतात्मा राजगुरू पत्रकार संघटना, राजगुरुनगरचे अर्जुन मेदनकर, पत्रकार हमीद द. शेख तसेच मानव मित्र न्यूजचे रोहिदास कदम यांचा समावेश होता. 
या कार्यक्रमास सतर्क महाराष्ट्र न्यूज चॅनेलच्या मुख्य संपादक रेखा भेगडे व त्यांची संपूर्ण टीम उपस्थित होती. उपस्थित मान्यवरांनी मुख्य संपादक रेखा भेगडे यांचे अभिनंदन करत चॅनेलच्या पुढील वाटचालीसाठी शुभेच्छा दिल्या. यावेळी नगराध्यक्ष व माजी आमदार बाळासाहेब हेगडे यांनीही उपस्थित राहून कार्यक्रमाची शोभा वाढवली.
द्वितीय वर्धापन दिनानिमित्त आयोजित करण्यात आलेला हा कार्यक्रम उत्साहपूर्ण व प्रेरणादायी वातावरणात पार पडला. समाजातील विविध घटकांचा सन्मान करून सकारात्मक, निर्भीड व जबाबदार पत्रकारितेची भूमिका अधोरेखित करण्यात आली. . 
✍🏻मुख्य संपादक – रोहिदास कदम
