प्रतिनिधी अशोक कुंभार
📍 वीर (ता. पुरंदर, जि. पुणे) – वीर येथे गेल्या दहा दिवसांपासून सुरू असलेल्या पारंपरिक यात्रेची आज शुक्रवार दिनांक 13 फेब्रुवारी रोजी मोठ्या उत्साहात सांगता करण्यात आली. यात्रेच्या समारोपासाठी मोठ्या संख्येने भाविक उपस्थित राहिल्याने परिसरात भक्तिमय वातावरण निर्माण झाले होते.
यात्रेदरम्यान विविध धार्मिक कार्यक्रम, पूजा-अर्चा आणि सांस्कृतिक उपक्रमांचे आयोजन करण्यात आले होते. शिखर शिंगणापूर येथील देवळाशेजारी हॉटेल शिवकृपा, दानवलेवाडी यांनी भाविकांसाठी दहा दिवस मिठाई व खाद्यपदार्थांची सेवा उपलब्ध करून दिली.
या यात्रेत दगडू शिंगाडे महाराज (रा. तराळे) यांना गादीचा मान असून, पाच भावंडांमध्ये त्यांना विशेष स्थान आहे. भाविकांनी केलेले नवस पूर्ण झाल्यानंतर हजारो भक्त दुसऱ्या दिवशी नवस फेडण्यासाठी येथे येतात. महाराजांचे आशीर्वाद घेऊन भाविक आनंदाने आपल्या घरी परतत असल्याचे चित्र दिसून आले.
✍🏻मुख्य संपादक – रोहिदास कदम
