सासवड प्रतिनिधी अशोक कुंभार)
सासवड : महाराष्ट्र राज्याचे लाडके उपमुख्यमंत्री नामदार अजितदादा पवार यांचे विमान दुर्घटनेत अपघाती निधन झाल्याने संपूर्ण महाराष्ट्रावर शोककळा पसरली आहे. त्यांच्या अकाली जाण्याने राज्य एक प्रकारे पोरके झाले असून सर्वसामान्यांपासून कार्यकर्त्यांपर्यंत हळहळ व्यक्त केली जात आहे.
या दु:खद घटनेच्या पार्श्वभूमीवर सासवड आगारात भावपूर्ण शोकसभा आयोजित करण्यात आली होती. यावेळी उपस्थितांनी दोन मिनिटे स्तब्ध उभे राहून अजितदादा पवार यांना श्रद्धांजली अर्पण केली.
या शोकसभेस सासवड आगाराचे आगार व्यवस्थापक श्री. सागरची गाडे, लेखाधिकारी मनीषाजी भोईटे, वरिष्ठ लिपिक अमित वाल्मिकी, वाहतूक नियंत्रक पोपट जैनक, कामगार संघटनेचे कार्याध्यक्ष कैलास तात्या जगताप, आगार सचिव महेश भोंगळे, संघटनेचे अध्यक्ष सुरेश कडू, सोसायटीचे चेअरमन विकास काकडे, माजी सचिव गणेश भुजबळ, नितीन ओंबळे, माजी सचिव रवी गरुड, प्रवीण पोमान, दादा टिळेकर, शशी दाजी चव्हाण, बाळासाहेब झेंडे, किरण म्हेत्रे, योगेश रणनवरे, जीवन निगडे आदी अधिकारी, कर्मचारी व पदाधिकारी उपस्थित होते.
यावेळी वक्त्यांनी अजितदादा पवार यांच्या कणखर नेतृत्वाचा, प्रशासकीय अनुभवाचा व सामान्य जनतेशी असलेल्या नात्याचा उल्लेख करत त्यांना भावपूर्ण श्रद्धांजली अर्पण केली.
✍🏻मुख्य संपादक – रोहिदास कदम
