पांगरे (ता. प्रतिनिधी अशोक कुंभार) :
जिल्हा परिषद निवडणुकीसाठी अपक्ष उमेदवार म्हणून निवडणूक रिंगणात उतरलेले श्री. बाबूसाहेब माहुरकर यांनी दिनांक १ फेब्रुवारी २०२६ रोजी पांगरे गावात भव्य प्रचारसभा तसेच नागरिकांशी गाठीभेटी घेतल्या. या प्रचारादरम्यान गावकऱ्यांचा उत्स्फूर्त प्रतिसाद लाभला.
यावेळी श्री. माहुरकर यांनी नागरिकांशी थेट संवाद साधत गावाचा सर्वांगीण विकास, पाणी, रस्ते, आरोग्य, शिक्षण व शेतकऱ्यांचे प्रश्न याबाबत आपली भूमिका मांडली. “जिल्हा परिषद ही सर्वसामान्यांच्या प्रश्नांची खरी व्यासपीठे आहेत. कोणत्याही पक्षाच्या दबावाशिवाय अपक्ष म्हणून प्रामाणिकपणे काम करण्याचा माझा निर्धार आहे,” असे ते म्हणाले.
प्रचारसभेनंतर त्यांनी घराघरांत जाऊन नागरिकांची भेट घेतली, त्यांच्या समस्या जाणून घेतल्या आणि त्या सोडवण्यासाठी कटिबद्ध असल्याचा विश्वास दिला. या वेळी युवक, महिला, शेतकरी व ज्येष्ठ नागरिक मोठ्या संख्येने उपस्थित होते.
पांगरे गावात झालेल्या या प्रचारामुळे श्री. बाबूसाहेब माहुरकर यांना वाढता पाठिंबा मिळत असल्याचे चित्र दिसून आले असून, येत्या काळात त्यांच्या प्रचाराला अधिक गती मिळणार असल्याचे बोलले जात आहे.
✍🏻मुख्य संपादक – रोहिदास कदम
