भिवडी : प्रतिनिधी अशोक कुंभार/
गेल्या १८ वर्षांपासून रात्रंदिवस “पशुसेवा हीच ईश्वरसेवा” या तत्त्वावर अविरत सेवा देणारे पशुवैद्यकीय अधिकारी डॉ. मनोज मोहन शिंदे यांनी पंचायत समिती निवडणुकीच्या पार्श्वभूमीवर आपल्या कुटुंबातून समाजसेवेचा पुढचा टप्पा सुरू केला आहे. शेतकरी, पशुपालक व ग्रामीण भागातील सर्वसामान्यांच्या प्रश्नांना न्याय देण्यासाठी त्यांच्या पत्नी सौ. सायली मनोज शिंदे यांची पंचायत समिती सदस्यपदासाठी उमेदवारी जाहीर करण्यात आली आहे.
डॉ. शिंदे यांनी विविध गावांमध्ये जनावरांचे मोफत शिबिरे, उपचार, मार्गदर्शन याच्या माध्यमातून पशुपालकांचा विश्वास संपादन केला आहे. येणाऱ्या काळात शेतकऱ्यांच्या अडचणी सोडवणे, पशुसंवर्धन, ग्रामीण विकास व सामाजिक प्रश्नांसाठी प्रामाणिकपणे काम करण्याचा निर्धार त्यांनी व्यक्त केला आहे.
“आपल्या विश्वासाला कधीही तडा जाऊ देणार नाही. आपल्यासाठी जे काही करता येईल ते १०० टक्के करण्याचा प्रयत्न करेन,” असा विश्वास डॉ. शिंदे यांनी ग्रामस्थांना दिला आहे. ग्रामस्थांनी व पशुपालकांनी कुटुंबातील सदस्याप्रमाणे सहकार्य करून आशीर्वाद द्यावेत, असे आवाहनही त्यांनी केले आहे.
✍🏻मुख्य संपादक – रोहिदास कदम
