पुणे |(प्रतिनिधी अशोक कुंभार)
राष्ट्रवादी काँग्रेस पार्टी पूर्व पुणे शहर संघटक सचिव तसेच पुणे शहर सोशल मीडिया विभागाच्या कार्याध्यक्ष पदी श्री. निलेश महादेवराव म्हैसने यांची नियुक्ती करण्यात आली आहे. पक्षातील सर्वसामान्य कार्यकर्त्यास महत्त्वाची जबाबदारी देत पक्षाने विश्वास व्यक्त केला आहे.
महाराष्ट्र राज्याचे उपमुख्यमंत्री आदरणीय अजितदादा पवार यांनी सर्वसामान्य कार्यकर्त्यावर विश्वास ठेवत ही संधी दिल्याने पक्षात उत्साहाचे वातावरण निर्माण झाले आहे. तसेच पक्षाचे प्रदेशाध्यक्ष श्री. सुनीलजी तटकरे, महिला प्रदेशाध्यक्षा सौ. रूपालीताई चाकणकर, सोशल मीडिया प्रदेशाध्यक्ष आनंदजी पवार यांच्यासह अनेक मान्यवरांनी त्यांचे अभिनंदन केले आहे.
या नियुक्तीबाबत प्रतिक्रिया देताना निलेश महादेव म्हैसने यांनी सांगितले की,
“पक्षाने माझ्यावर दिलेली जबाबदारी मी पूर्ण प्रामाणिकपणे पार पाडेन. पक्ष संघटना मजबूत करण्यासाठी सतत प्रयत्नशील राहीन. तसेच आदरणीय उपमुख्यमंत्री अजितदादा पवार यांचे हात बळकट करण्यासाठी सदैव कार्यरत राहीन.”
या वेळी पक्षातील विविध पदाधिकारी, माजी नगरसेवक, युवक व महिला आघाडीचे पदाधिकारी मोठ्या संख्येने उपस्थित होते.
✍🏻मुख्य संपादक – रोहिदास कदम
