पुणे तालुका राजगुरुनगर धानेरे (प्रतिनिधी संतोष.कदम)
पुणे जिल्ह्यातील धानेरे येथे आज दुपारच्या सुमारास भंगाराच्या गोदामाला लागलेल्या भीषण आगीत मोठे नुकसान झाले. प्राथमिक माहितीनुसार, गोदामासमोर असलेल्या विद्युत खांबावर शॉर्ट सर्किट झाल्याने आग लागल्याचा अंदाज व्यक्त करण्यात येत आहे.
आगीने काही क्षणातच विक्राळ रूप धारण केल्याने गोदामातील मोठ्या प्रमाणातील साहित्य जळून खाक झाले. तसेच गोदाम परिसरात उभा असलेला एक आयशर टेम्पो आणि दोन दुचाकी वाहनेही आगीच्या भक्ष्यस्थानी पडली. त्यामुळे लाखो रुपयांचे नुकसान झाल्याचे सांगितले जात आहे.
घटनेची माहिती मिळताच अग्निशमन दलाचे चार बंब घटनास्थळी दाखल झाले. अग्निशमन जवानांनी अथक प्रयत्न करून आगीवर नियंत्रण मिळवले. सुदैवाने या दुर्घटनेत कोणतीही जीवितहानी झाली नाही.
दरम्यान, आळंदी पोलीस स्टेशन चे अधिकारी व कर्मचारी घटनास्थळी दाखल झाले. आग पाहण्यासाठी नागरिकांनी मोठी गर्दी केल्याने पोलिसांना गर्दी हटवण्यासाठी विशेष प्रयत्न करावे लागले. काही काळ परिसरात तणावाचे वातावरण निर्माण झाले होते.
आगीचे नेमके कारण आणि नुकसानाची अचूक रक्कम याबाबत अधिक तपास सुरू आहे.https://youtube.com/shorts/M1_P6MAnTAw?feature=share मानव मित्र न्यूज चैनल सबस्क्राईब करा 
✍🏻मुख्य संपादक – रोहिदास कदम
