- (सासवड प्रतिनिधी अशोक कुंभार)
मुंबई : Maharashtra State Road Transport Corporation (एसटी महामंडळ) यांनी पुढील पाच वर्षांत जाहिरातींद्वारे तब्बल २५० कोटी रुपयांचे उत्पन्न मिळवण्याचे महत्त्वाकांक्षी लक्ष्य ठेवले आहे. परिवहन मंत्री Pratap Sarnaik यांनी ही माहिती दिली.
३२० व्या संचालक मंडळाच्या बैठकीत हा निर्णय घेण्यात आला. नव्या निविदा प्रक्रियेच्या माध्यमातून वार्षिक जाहिरात उत्पन्न २२ कोटी रुपयांवरून ५० कोटी रुपयांपर्यंत वाढवण्याची अपेक्षा व्यक्त करण्यात आली आहे.
राज्यातील सुमारे १२ हजार बसेस, ६३० बसस्थानके आणि २५१ आगारांचा जाहिरातींसाठी वापर करण्यात येणार आहे. बसच्या बाह्यभागावर, स्थानक परिसरात आणि आगारांमध्ये मोठ्या प्रमाणावर जाहिरात फलक लावून महसूल वाढवण्यावर प्रशासनाचा भर असणार आहे.
एसटी महामंडळ आर्थिक अडचणींवर मात करण्यासाठी पर्यायी उत्पन्न स्रोतांवर भर देत असून, जाहिरात धोरण हे त्यातील महत्त्वाचे पाऊल मानले जात आहे.
✍🏻मुख्य संपादक – रोहिदास कदम
