(आळंदी प्रतिनिधी सुदर्शन जाधव )
आळंदी : आळंदी पोलीस ठाण्याच्या हद्दीतून ४८ वर्षीय व्यक्ती बेपत्ता झाल्याची घटना समोर आली आहे. याबाबत आळंदी पोलिसांनी शोधमोहीम सुरू केली असून नागरिकांना सहकार्य करण्याचे आवाहन करण्यात आले आहे.
पोलिसांनी दिलेल्या माहितीनुसार, संजय निवृत्ती डांगे (वय ४८ वर्षे) हे राहणार सावळा, उंची अंदाजे ५ फूट, बांधा मध्यम, डोळे काळे, चेहरा गोल असून हातात चांदीच्या धातूच्या दोन अंगठ्या आहेत. त्यांच्या डोक्यावरील केस बारीक व आखूड आहेत. ते शेवटचे पिवळ्या रंगाचा शर्ट व निळ्या रंगाची ट्रॅकपॅन्ट घातलेल्या अवस्थेत दिसले होते.
सदर व्यक्ती दिनांक ०५/०२/२०२६ रोजी सकाळी १०.०० ते दुपारी २.३० वाजण्याच्या दरम्यान घरातून निघून गेले असून त्यानंतर ते परतलेले नाहीत. नातेवाईकांनी शोध घेतला मात्र त्यांचा काहीच मागोवा लागला नसल्याने आळंदी पोलीस ठाण्यात मिसिंग दाखल करण्यात आली आहे.
या संदर्भात कोणाला काही माहिती मिळाल्यास आळंदी पोलीस स्टेशन किंवा खालील क्रमांकावर संपर्क साधण्याचे आवाहन करण्यात आले आहे.
आळंदी पोलिसांनी नागरिकांना सहकार्य करण्याचे आवाहन केले असून बेपत्ता व्यक्तीचा शोध सुरू आहे. 
✍🏻मुख्य संपादक – रोहिदास कदम
