पुरंदर सासवड| (प्रतिनिधी अशोक कुंभार,(
पुरंदर तालुक्यातील ग्रामीण भागातील नागरिकांसाठी दिलासादायक निर्णय घेत हडपसर–सासवड–कुंभारवळण–बेलसर–जेजुरी–नाझरे–मोरगाव या मार्गावर आजपासून नवीन PMPML बससेवा सुरू करण्यात आली आहे. या बससेवेमुळे परिसरातील अनेक गावांचा पुणे शहराशी थेट संपर्क होणार असून प्रवाशांचा वेळ व प्रवासाचा खर्च कमी होण्यास मदत होणार आहे.
या मार्गामुळे कुंभारवळण, एकतपूर, मुंजवडी, खानवडी, बेलसर, जेजुरी, नाझरे, जवळार्जुन, मावडी कडेपठार, जोगवडी, आंबी, मोरगाव आदी गावांतील नागरिकांना नियमित सार्वजनिक वाहतुकीचा लाभ मिळणार आहे. स्थानिक आमदार विजय शिवतारे यांनी या बससेवेसाठी सातत्याने पाठपुरावा केल्याचे सांगितले जात आहे
ग्रामीण भागातील विद्यार्थी, नोकरदार, शेतकरी आणि सर्वसामान्य नागरिकांसाठी ही बससेवा महत्त्वाची ठरणार असून शहराशी संपर्क अधिक सुलभ होणार आहे.
✍🏻मुख्य संपादक – रोहिदास कदम
