सासवड प्रतिनिधी अशोक कुंभार
ज्ञानेश्वरी पारायण, कीर्तन, प्रवचन व भजनांनी भक्तिमय वातावरणात
पांगारे (ता. पुरंदर, जि. पुणे) येथे गुढीपाडवा व रामनवमीच्या पावन पर्वानिमित्त श्री क्षेत्रराज ज्ञानेश्वरी पारायण सोहळ्याच्या निमित्ताने अखंड हरिनाम सप्ताहाचे आयोजन करण्यात आले आहे. ह.भ.प. ढवळे महाराज, ह.भ.प. श्री सदानंद महाराज व ह.भ.प. बंडातात्या महाराज कडाडकर यांच्या प्रेरणेने हा सप्ताह पार पडत आहे.
या सप्ताहामध्ये दररोज सकाळी काकडा आरती, ज्ञानेश्वरी पारायण, दुपारी प्रवचन, तसेच सायंकाळी हरिपाठ, कीर्तन आणि रात्री भजन-हरिजागर असे विविध धार्मिक कार्यक्रम आयोजित करण्यात आले आहेत. आठवडाभर चालणाऱ्या या सोहळ्यात नामवंत कीर्तनकार, प्रवचनकार व भजन मंडळांचा सहभाग लाभणार आहे.
सप्ताहात ह.भ.प. भगवान महाराज जाधव, ह.भ.प. अतिनाथ महाराज मांडरे, ह.भ.प. योगेश महाराज जाधव, ह.भ.प. नवचैतन्य महाराज जाधव आदी प्रवचनकार व कीर्तनकार उपस्थित राहून भक्तांना मार्गदर्शन करणार आहेत.
सप्ताहाचा समारोप मोठ्या उत्साहात कीर्तन, महाप्रसाद व नगरप्रदक्षिणेने होणार असून परिसरातील भाविकांनी मोठ्या संख्येने उपस्थित राहून लाभ घ्यावा, असे आवाहन आयोजकांकडून करण्यात आले आहेत.
पांगारे (पुरंदर) येथे गुढीपाडवा-रामनवमी निमित्त अखंड हरिनाम सप्ताह सुरू; कीर्तन, प्रवचन व भजनांनी वातावरण भक्तिमय.
✍🏻मुख्य संपादक – रोहिदास कदम
