वार : गुरुवार | दिनांक : 11 डिसेंबर 2025
सासवड (तालुका पुरंदर, जिल्हा पुणे अशोक कुंभार)— बंधन कोणनगर संस्थेच्या सासवड शाखेत आयोजित पत्रकार परिषदेत AC ARIA Coordinator योगेंद्र कुमार तसेच CO (Committee Organizer) कोमल झगडे यांनी संस्थेच्या उपक्रमांबाबत सविस्तर माहिती दिली.
बंधन संस्था 2006 पासून कार्यरत असून सध्या भारतातील 16 राज्यांमध्ये सक्रियपणे काम करत आहे. पुरंदर तालुक्यातील सासवड शाखेमार्फत 48 गावांमध्ये सर्वेक्षण करण्यात आले.
या माध्यमातून 200 निराधार महिलांची निवड करून त्यांना विविध लघुउद्योगासाठी आवश्यक साहित्य पुरविण्यात आले. यामध्ये किराणा साहित्य, मसाले, बांगडी व्यवसाय, झाडू उत्पादन, चप्पल व्यवसाय, भाजी व फळ विक्री, ड्राय फिश, कापड व्यवसाय, फास्ट फूड स्टॉल, पूजा साहित्य, कॉस्मेटिक साहित्य अशा अनेक उपजिविकेच्या साधनांचा समावेश आहे.
सुरुवातीच्या टप्प्यात महिलांचा व्यवसाय चालत नसल्याने संस्थेकडून त्यांना 700 + 700 = 1400 रुपये ‘सहाय्यरूपी पाठबळ’ देण्यात येते. या उपक्रमामुळे हजारो महिलांना आधार, रोजगार आणि आत्मविश्वास मिळाल्याची माहिती समोर आली आहे.
या कार्यक्रमाला बंधन संस्थेचे राजेंद्र घोष, दिलीप कुमार आणि श्रीकृष्ण पवार उपस्थित होते.
✍🏻मुख्य संपादक – रोहिदास कदम
