🕉️ पंढरपूर ते आळंदी पायी दिंडी सोहळ्याची सुरुवात – हरिनामाच्या गजरात वारकऱ्यांची भक्तिमय यात्रा

🕉️ पंढरपूर ते आळंदी पायी दिंडी सोहळ्याची सुरुवात – हरिनामाच्या गजरात वारकऱ्यांची भक्तिमय यात्रा

पंढरपूर प्रतिनिधी (|निर्मला पवार)

मंगळवार, दिनांक ४ नोव्हेंबर २०२५ रोजी पंढरपूर येथून आळंदीच्या दिशेने कार्तिकी पायी दिंडी सोहळ्याला प्रारंभ झाला आहे. संत पांडुरंग महाराज भोजने पायदळ दिंडी, पातोंड येथील दिंडी तसेच विविध गावांमधील अनेक दिंड्या एकत्रितपणे आळंदीच्या दिशेने निघाल्या आहेत.

“हरिनामाचा गजर… विठू माऊलीचा जयघोष… माऊली माऊली!” अशा गजरात भक्तीमय वातावरणात वारकऱ्यांची ही दिंडी पुढे सरकत आहे. आनंद, भक्ती आणि समरसतेने भारलेले वातावरण सर्वत्र अनुभवायला मिळत आहे.

प्रवासात थकवा आला तरी वारकरी थोडा विसावा घेऊन पुन्हा माऊलीच्या नामगजरात पुढे निघतात. या यात्रेत ना त्रास, ना द्वेष — फक्त भक्तीभाव आणि सामूहिक ऐक्याचा अनुभव वारकरी घेत आहेत.

दि. ८ नोव्हेंबर २०२५ रोजी दिंडी फलटण येथे पोहोचली असून येथून पुढे तरडगाव मार्गे प्रस्थान केले आहे. आगामी एकादशीला ही पवित्र दिंडी आळंदी नगरीत पोहोचणार असून, श्री संत ज्ञानेश्वर माऊलींच्या समाधीस्थळावर दर्शन घेऊन या कार्तिकी सोहळ्याची सांगता होणार आहे.

Manav Mitra News

✍🏻मुख्य संपादक – रोहिदास कदम